Radio Televizioni i Kosovës ka paguar hiç më pak se 35 mijë euro për  transmetimin e dy ndeshjeve fudbollistike, Kosova – Brukina Faso, dhe Zvicra – Kosova. Tenderin për këtë shërbim e ka fituar kompania “DigitAlb”, e cila edhe ishte e vetme në garën e marrjes së tenderit.

Kosova ka arritur të shënojë fitore në ndeshjen miqësore ndaj Burkina Fasos të zhvilluar në stadiumin “Fadil Vokrri” me rezultat të thellë 5-0.

Këtë ndeshje qytetarët e Kosovës ka mundur ta shohin edhe përmes ekraneve të RTK-së, dhe të kënaqen me rezultatin e kombëtares.

Mirëpo, kjo kënaqësi i ka kushtuar buxhetit të shtetit 35 mijë euro, shkruan Gazeta Online Reporteri.net.

Radio Televizioni i Kosovës e ka paguar kompaninë “DigitAlb” për të drejtën e transmetimit të kësaj ndeshje dhe ndeshjes tjetër që do të zhvillohet më 29 mars, mes Kosovës dhe Zvicrës.

Në njoftimin që është bërë publik është treguar se kontrata mes RTK dhe DigjitAlb është nënshkruar sot, dhe se në garë nuk ka pasur asnjë kompani tjetër.

“Data e dhënies së kontratës 23.03.2022. IV.2) Data e planifikuar e nënshkrimit të kontratës 24.03.2022 IV.3) Numri i tenderëve të pranuar: 1. Vlera e përgjithshme e kontratës 35 000,00 EUR”. /Reporteri.net/

Ky është dokumenti që është bërë publik sot në KRPP: